temporal lluvia choiva galicia galiza mar

En principio estas alertas están vixentes desde o mediodía do venres até a medianoite. Para o sábado non están previstas alertas.

A Dirección Xeral de Emerxencias e Interior da Vicepresidencia da Xunta activou a alerta laranxa por temporal costeiro nas provincias da Coruña e Lugo.

Segundo informou a Vicepresidencia da Xunta, a Axencia Estatal de Meteoroloxía ( Aemet) indicou que o episodio adverso costeiro de nivel laranxa afectará o noroeste e oeste da Coruña e a Lugo. Hai alerta amarela no resto da costa galega. No interior, case toda a provincia de Lugo estará en alerta por vento.

En principio estas alertas están vixentes desde o mediodía do venres até a medianoite. Para o sábado non están previstas alertas.

ONDAS DE GRAN TAMAÑO

En concreto, espéranse ventos do oeste ou suroeste con forza 7, que poden chegar a forza 8 na zona de Ortegal-Bares, con mar combinada do oeste e ondas de cinco a seis metros.

Por iso, co fin de garantir a seguridade dos bens e as persoas, a Dirección Xeral de Emerxencias e Interior, a través do 112 Galiza, informou da situación aos concellos das provincias afectadas, Deputacións, servizos provinciais e agrupacións de voluntarios de Protección Civil e aos clubs náuticos, entre outros.

RECOMENDACIÓNS NAS PRAIAS E PORTOS

Debido ao temporal costeiro, a Xunta recomenda evitar aproximarse a diques ou rompientes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e xanelas.

Tamén aconsella permanecer lonxe da costa, de praias, rompientes, paseos marítimos, espigóns, peiraos ou todas aquelas zonas que poidan ser varridas polo mar. E recomenda a suspensión das actividades pesqueiras e marisqueiras “como medida preventiva naquelas zonas máis perigosas”, incidiu.

Dejar respuesta

Please enter your comment!
Please enter your name here