Terá Galiza unha 5ª provincia?

“As raíces etnográficas, históricas, culturais e lingüísticas do Bierzo sempre existiron con carácter diferencial propio e as mesmas circunscríbense dentro das do conxunto do pobo galego”, indican no manifesto fundacional.

0

Podería Galiza pasar a ter 5 provincias no canto de 4? É a pregunta que deixa aberta o manfiesto fundacional da asociación A Quinta, que este mesmo xoves vén de constituírse como unha alianza social para pedir a integración dos 28 concellos da comarca do Bierzo en Galiza como unha provincia máis 

Segundo apuntan no seu manifesto fundacional, desenvolto en galego e castelán, as “continuas mostras de achegamento” entre ambos territorios, así como o “sentir provincialista maioritario” dos veciños do Bierzo obrigan á clase política a buscar o “consenso necesario” para proceder á creación desa quinta provincia.

Tal e como dispoñen no mesmo texto, a Constitución do Estado español recolle, no seu artigo 141, a posibilidade de que se produzan “alteracións dos límites provinciais”. Este mesmo caso hipotético, lamentan dende a asociación, foi excluído do Estatuto da Autonomía de Galiza, non así do de Castela e León. Por esta razón, apuntan dende a organización A Quinta, sería precisa unha reforma por parte do Parlamento de Galiza do noso estatuto, modificación que os autores do manifesto marcan como obxectivo a seguir.

UNHA COMARCA FLUCTUANTE

Tal e como apuntan dende A Quinta, a disposición histórica da comarca do Bierzo presenta unhas fluctuacións que, a nivel histórico, virían a xustificar a posibilidade de incluíla no ordenamento territorial de Galiza. “Non debemos esquecer que O Bierzo existiu dentro da organización territorial española como comarca pertencente a Galiza ou a León no pasado. Incluso foi declarada provincia na proposta administrativa de 1832 segregada de Ourense e León”, destacan.

Os artífices aseguran que as continuas mostras de achegamento dos veciños do Bierzo cara a Galiza e “o sentir  provincialista maioritario da poboación” lévalles a traballar socialmente polos bercianos.

Afirman que “as raíces etnográficas, históricas, culturais e lingüísticas do Bierzo sempre existiron con carácter diferencial propio e as mesmas circunscríbense dentro das do conxunto do pobo galego”.

Siguenos en Google News
También podría gustarte
Ver comentarios de la noticia

Deja una respuesta

Su dirección de correo electrónico no será publicada.

Enable Notifications.    Ok No thanks